Barong Tagalong

Kung wariin ko sa ngayon ay muling nagbabalik
Ang barong Tagalog na sadyang makisig.
Mahaba-habang panahon nawaglit sa ating isip
Na ito’y damit ng bansang kay hirap malupig.
Ang barong ito ay tatak Pilipinong talaga
Dapat nating mahalin sa tuwi-tuwina.

Sa sariling bayan nati’y alinsangan
Makapal na kayoy hindi kailangan.
Ang barong Tagalog kahit sinamay lang
Ginhawang gamitin sa lahat ng pagdiriwang.

Nang maghimagsik itong ating bansa
Dahil sa paglaya
Ang barong Tagalog natin ay dakila
Pagka’t siyang ginamit
Ng bayaning namayapa.

Published in: on September 30, 2009 at 12:20 am  Leave a Comment  
Tags:

Banahaw

Ang huni ng ibon, aliw-iw ng batis
Sa bundok Banahaw
Ay inihahatid, ay inihahatid
Nang hanging amihan
Kaya’t yaring abang puso
Sakbibi nang madlang lumbay
Sa sandaling ito, sa sandaling ito’y
Naliligayahan.

Halina, irog ko at tayo’y magsayaw
Sa kumpas ng tugtog, tayo ay sumabay
Dini naman sa lumang kudyapi
Ikaw irog aking aawitan
Sa saliw ng hanging palay-palay
Sa bundok ng Banahaw.

Published in: on September 30, 2009 at 12:15 am  Leave a Comment  
Tags:

Ay, Ay, Ay, O, Pagibig

Buhat nang kita’y makita
Nadama ang pagsinta
Ng puso kong nagdurusa
Giliw ko, maawa ka.

Huwag mo sanang pahirapan
Puso kong nagdaramdam
Pagka’t magpakailan man
Ikaw ang tunay kong mahal.

Ay, ay, ay, ay O pagibig
Pagpumasok sa puso ay may ligalig
Ay, ay, ay, ay, ay hanggang langit
Ang pangako ng pusong umiibig

Published in: on September 30, 2009 at 12:13 am  Leave a Comment  
Tags:

Ano Daw Idtong Sa Gogon

Ano daw idtong sa gogon
Garong bulawan paghilngon
Casu sacuyang dulucon
Ay, ay burac palan nin balagon.

Casu sacuya ng qui cu-a
Sarong tingog ang nagsayuma
Hariman aco pagcua-a
Ay, ay burac aco ni Maria.

Published in: on September 30, 2009 at 12:11 am  Leave a Comment  
Tags:

Alaala Kita Sa Pagtulog

Akala mo yata kita’y nililimot
Alaala kita sa gabing pagtulog
Ang inuunan ko luhang umaagos
Ang binabanig ko ay sama ng loob.

Di ka na nahabag, di ka na naawa.
Lusak na ang lupa sa patak ng luha.

Buksan mo na neneng ang munting bintana
At ako’y dungawin nagmamakaawa.

Published in: on September 30, 2009 at 12:08 am  Leave a Comment  
Tags:

Ako’y Kampupot

Ako’y kampupot
Na bagong sikat
Ang halimuyak
Sadyang laganap
Kaligayahan sa bawa’t oras
Man din ang nais
Tanging paglingap

Kaya’t noong minsan
Ay napakinggan
Isang binatang
Nananambitan
Puso kong taglay
Lubhang pihikan
Ay narahuyo sa panawagan.

Refrain:

Nasaan yung pangarap
Ng paglalambingan
Tangan na ng aking hirang
Alay ay kaligayahan
Kay tamis nga naman
Mabuhay ‘ta sa pagmamahal
Kung ang ligaya ay makakamtam
Sa habang buhay.

Published in: on September 30, 2009 at 12:06 am  Leave a Comment  
Tags:

Ako Ay Pilipino

Ako ay Pilipino
Ang dugo’y maharlika
Likas sa aking puso
Adhikaing kay ganda
Sa Pilipinas na aking bayan
Lantay na Perlas ng Silanganan
Wari’y natipon ang kayamanan
ng Maykapal

Bigay sa ‘king talino
Sa mabuti lang laan
Sa aki’y katutubo
Ang maging mapagmahal

Ako ay Pilipino, ako ay Pilipino
Isang bansa, ‘sang diwa
ang minimithi ko
Sa bayan ko’t bandila
Laan buhay ko’t diwa
Ako ay Pilipino
Pilipinong totoo
Ako ay Pilipino, ako ay Pilipino
Taas noo kahit kanino
Ang Pilipino ay ako.

Ako ay Pilipino, ako ay Pilipino
Taas noo kahit kanino
Ang Pilipino ay ako.

Published in: on September 30, 2009 at 12:04 am  Leave a Comment  
Tags:

Ahay Turburan

Tubig nga matin-aw
Ga ilig sa ubos
Gikan sa ibabaw
Kon ako cumacancion
May dalang kamingao
Adios na ti adios
Baya-an ta ikaw.

Tubig na malinaw
Umaagos paibaba
Galing sa itaas.
Kung aka ay umaawit
May dalang kalungkutan
Paalam na o paalam
Ikaw ay aking iiwan.

Published in: on September 29, 2009 at 11:55 pm  Leave a Comment  
Tags:

Magtanim ay Di Biro

Magtanim ay di biro
Maghapong nakayuko
Di naman makatayo
Di naman makaupo

Bisig ko’y namamanhid
Baywang ko’y nangangawit.
Binti ko’y namimintig
Sa pagkababad sa tubig.

Kay-pagkasawing-palad
Ng inianak sa hirap,
Ang bisig kung di iunat,
Di kumita ng pilak.

Sa umagang pagkagising
Lahat ay iisipin
Kung saan may patanim
May masarap na pagkain.

Halina, halina, mga kaliyag,
Tayo’y magsipag-unat-unat.
Magpanibago tayo ng lakas
Para sa araw ng bukas

(Braso ko’y namamanhid
Baywang ko’y nangangawit.
Binti ko’y namimintig
Sa pagkababad sa tubig.)

Published in: on September 29, 2009 at 11:44 pm  Leave a Comment  
Tags:

Paruparong Bukid

Paruparong bukid na lilipad-lipad
Sa gitna ng daan papagapagaspas
Isang bara ang tapis
Isang dangkal ang manggas
Ang sayang de kola
Isang piyesa ang sayad

May payneta pa siya — uy!
May suklay pa man din — uy!
Nagwas de-ohetes ang palalabasin
Haharap sa altar at mananalamin
At saka lalakad nang pakendeng-kendeng.

Published in: on September 29, 2009 at 11:42 pm  Leave a Comment  
Tags:
Follow

Get every new post delivered to your Inbox.